من زمان عن هالمكان الجميل 3>

اشتقت ل هالمكان .. اشتقت اقراء واكتب اللي يعجبني هنا .. اشتقت اتحلطم واشكي علىها .. اشتقت للمدونات الجميلة والناس الاجمل اللي عرفتني عليهم هالمدونة .. بصراحة اول ما بديت هالمدونة كنت في بداية دراستي في الكلية فكنت اتحلطم واجد وكنت اعرف الناس ما بيتحملون حلطمتي فكنت اتمنى تكون مكان ما يعرفه احد ، بس القدر احيانا يخبي لك غير ما تتوقع .. قدري كتب لي اني تعرفت على ناس جميلين وقلوبهم بيضاء ما توقعت في يوم بيكونون مثل اخواني .. فشكراً لك مدونتي الجميلة 3> الساعة ٣:٤٥ ص يوم الاثنين ١٠/١٢/٢٠١٢ دوامي الساعة ٨:٠٠ الصباح بداوم ك طبيب امتياز في التخصص اللي حبيته واللي بديت فيه مع بداية هالمدونة .. للاسف احس اني جاحد احيانا .. بديت هالمدونة طالب وكنت طول الوقت اللي اطفش من الدراسه احاول اهرب لمكان ما اعرف فيه احد اتحلطم فيه بدون ما يتذمر من حلطمتي .. تحلطمت احيانا ونقلت كتابات جميلة وحبيبه ع قلبي احيانا كنت اتطفل ع المدونات احيانا بس للاسف من تخرجت هجرت هالمكان :( ما بكذب وبقول ضغط الوقت وضغط الدوام لا لا بس اعترف اني ما ادري .. أكتب هالمدونة وانا مواصل ومانمت ودخلت المدونة وذكرتني باشياء جميلة .. صح نسيت اقول ،، اول ما بديت هالمدونة كنت اتمنى آكتب فيها واستمر وفي الاخير اهديها لشخص احبه .. بس للاسف ما وفيت وما سويت اللي كنت ناوي عليه . شكراً مدونتي الجميلة اللي آحبها وتحبني .. شكراً متابعيني الجميلين اللي احبهم واتوقع انهم يحبوني واذا ما يحبوني ف اقل شيء ما اتوقع انهم ما يحبوني :) وبس ^^^^ اعترف اني كتبت ولا حاولت اراجع اقرا الكلام اللي فوق مجرد فضفضة اخر الليل مع مدونتي الجميلة وتصبحين يامدونتي ع يوم جميل :)